Komisioni Qendror i Zgjedhjeve (KQZ) ka certifikuar subjektin politik të 23-të për pjesëmarrje në zgjedhjet e parakohshme për Kuvendin e Republikës së Kosovës, të cilat do të mbahen më 28 dhjetor 2025.
Sipas këtij vendimi, certifikohet subjekti politik NISMA SOCIALDEMOKRATE, i cili brenda afatit të përcaktuar dorëzoi listën e përmirësuar me nënshkrimet e mbështetësve.
KQZ-ja ka certifikuar gjithsej 23 subjekte politike, përveç Listës Serbe.