Ministrja e Jashtme e Gjermanisë, Annalena Baerbock, ka kërkuar nga Sebria lirimin “pa kushte” të tre policëve që u rrëmbyen nga forcat serbe.
Siç shkruan “Tagesspiegel“, Baerbock iu ka bërë thirrje palës kosovare dhe asaj serbe që të ulin tensionet.
“Beogradi dhe Prishtina duhet të bëjnë menjëherë gjithçka që është e mundur për të qetësuar këtë situatë të pasigurt”, ka thënë ajo.
Ndërkaq, tre policëve të Kosovës, të kidnapuar nga forcat serbe më 14 qershor, iu shqiptua masa e paraburgimit.
Kryeministri i Kosovës, Albin Kurti tha se më herët se, mesa duket, prokurori në Serbi i ka hedhur poshtë akuzat për terrorizëm kundër tre policëve të arrestuar, ndërsa i ka mbajtur në fuqi vetëm akuzat për posedim të paligjshëm të armëve.
Kurti i bëri komentet gjatë një adresimi në Forumin e Prespës në Strugë.