Kryeministri Albin Kurti të premten ka takuar Ministren e Turizmit dhe Mjedisit të Republikës së Shqipërisë, Mirela Kumbaro, ku temë qendrore e diskutimit ishte bashkëpunimi në mes të dy vendeve në kuadër të turizmit.
“Në takim u rikonfirmua gatishmëria për të rritur angazhimin institucional për aktivitete të reja të përbashkëta ndërmjet Republikës së Kosovës dhe Republikës së Shqipërisë, në shërbim të produkteve të reja turistike, ku do të përfshiheshin asetet më të rëndësishme turistike të të dy vendeve”, thuhet në njoftimin e Zyrës së Kryeministrit.
Tutje në njoftim thuhet se organizimi i konferencës “Turizmi i përbashkët Kosovë – Shqipëri”, është vlerësuar si mundësi për konkretizim të bashkëpunimit në të ardhmen.