Mëngjesin e sotëm, muret e objekteve në veri të Mitrovicës janë përfshirë nga një valë e re e grafitëve.
Në gjuhën serbe, shkronjat me ngjyrë të kuqe, blu dhe të bardhë shfaqen me një mesazh: “Kur të kthehet ushtria në Kosovë, Brigada e Veriut jeton.”
Grafitet e tilla nuk janë të reja e as të vetmet. Ato janë shkruar edhe në Zveçan, Leposaviq e Zubin Potok, duke treguar se ky mesazh po përhapet nëpër pjesën veriore të vendit.
Kujtojmë se në qershor të vitit të kaluar Qeveria e Kosovës pati marrë vendim për t’i shpallur terroriste organizatat serbe “Mbrojtjen Civile” (Civilna Zashtita) dhe “Brigada e Veriut” (Severna Brigada) – të cilat operojnë në pjesën veriore të vendit.