Kryeministri i Kosovës, Albin Kurti, është shprehur i emocionuar me anëtarësimin e Kosovës në iniciativën globale “Open Government Partnership” (Partneriteti për Qeverisje të Hapur).
Kurti, përmes një postimi platformës X ka thënë se kjo iniciativë nxit transparencën, llogaridhënien dhe qasjet novatore.
“I emocionuar për të njoftuar se Kosova i është bashkuar Partneritetit për Qeverisje të Hapur, një nismë ndërkombëtare që përfshin 76 qeveri kombëtare dhe 104 qeveri lokale dhe nxit transparencën, llogaridhënien dhe qasjet novatore për angazhimin publik”, ka shkruar Kurti.
Thrilled to announce that Kosova has joined the Open Government Partnership (@opengovpart), an international initiative that includes 76 national & 104 local governments and fosters transparency, accountability & innovative approaches to public engagement.
— Albin Kurti (@albinkurti) August 12, 2023
Ndërsa, ministri i Administratës dhe Pushtetit Lokal, Elbert Krasniqi, përmes platformës X, Krasniqi, ka thënë se me këtë po i bashkohemi pjesës tjetër të vendeve demokratike.
“Me kënaqësi të madhe ndaj lajmin se Republika e Kosovës është bërë anëtarja më e re e Open Government Partnership. Ne i bashkohemi pjesës tjetër të vendeve demokratike të botës në një angazhim të përbashkët për një qeveri të hapur të përgjegjshme dhe inovative dhe për të inkurajuar angazhimin e qytetarëve në politikëbërje”, ka shkruar Krasniqi.
Very glad to share the news that Republic of Kosova has become the newest member of @opengovpart. We join the rest of the world's democratic countries in a common commitment to open, accountable & innovative government and to encouraging citizen engagement in policymaking.
— elbertkrasniqi (@elbertkrasniqi) August 12, 2023
Open Government Partnership është një iniciativë globale që synon të sigurojë angazhime konkrete nga qeveritë për të promovuar qeverisjen e hapur. Ky mekanizëm global obligon shtetet anëtarë të saj që të zbatojnë planet e tyre nacionale sepse në të kundërtën merren masa edhe të përjashtimit nga kjo iniciativë globale.