Kryeministri i Kosovës, Albin Kurti ka udhëtuar të martën mbrëma për në Strasburg të Francës.
Siç njofton Zyra e Kryeministrit, kjo vizitë e tij zyrtare do të jetë për të marrë pjesë në takimin e 10-të të Komitetit Parlamentar për Marrëveshjen e Stabilizim- Asociimit me Bashkimin Evropian.
Gjatë qëndrimit dyditor, kreu i Qeverisë do të takohet me deputetë dhe kryesues të grupeve kryesore politike të Parlamentit Evropian dhe presidenten e Parlamentit Evropian, Roberta Metsola.