Kryeministri i Kosovës, Albin Kurti, në kuadër të Samitit në Tiranë, është takuar me ministrin e Jashtëm të Britanisë së Madhe, James Cleverly.
Në platformën “X”, Kurti ka thënë se gjatë këtij takimi ka kërkuar që Serbia të mbahet përgjegjëse për sulmin terrorist në Banjskë.
“E vlerësoj shumë mundësinë për t’u ulur e biseduar me Sekretarin e jashtëm të Britanisë së Madhe, James Cleverly, për situatën aktuale me të cilën përballet Kosova. Theksova nevojë për ta mbajtur Serbinë përgjegjëse për sulmin terrorist dhe shkeljet tjera dhe theksova rëndësinë për ta mbështetur sigurinë e Kosovës”, ka shkruar Kurti.
Greatly appreciate the opportunity to sit down w/ 🇬🇧 Foreign Secretary @JamesCleverly & discuss the current situation that 🇽🇰 faces. Stressed the need to hold Serbia accountable for the terrorist attack & other violations and emphasized the importance of supporting 🇽🇰’s security. pic.twitter.com/NwakmXEv1Z
— Albin Kurti (@albinkurti) October 16, 2023
Ndryshe, Kurti, në Samitin e Procesit të Berlinit që po mbahet në Tiranë, ka thënë se edhe 25 vjet pas fushatës gjenociadale, Kosova kërcënohet me invazion nga Serbia.
Kurti, gjatë fjalës tij ka komentuar sulmin terrorist në Banjskë të Zvenaçit, më 24 shtator, duke kërkuar nga Bashkësia ndërkombëtare që ky akt i sponsorizuar nga Serbia duhet të ndëshkohet.