Kurti nga Shkupi: Kriza energjetike mund të menaxhohet nëse ekziston vullneti për zgjidhje të përbashkët

Kreu i Qeverisë së Kosovës, Albin Kurti, në Forumin Socio-Ekologjik në Shkup ka thënë se Kosova nuk është e varur nga gazi rus, teksa ka theksuar se nëse rajoni dëshiron të tejkalojë krizën energjetike duhet të angazhohet për zgjidhje të përbashkët, "jo vetëm për vete"

Kryeministri i Kosovës, Albin Kurti pjesë e Forumit Socio-Ekologjik në Shkup





Kryeministri i Kosovës, Albin Kurti të martën e 22 nëntorit në punimet e Forumit Socio-Ekologjik 2022 në Shkup me temën “Një transformim i drejtë për Evropë të vetëmjaftueshme me energji” ka thënë se në parim kriza energjetike mund të tejkalohet nëse “ekziston vullneti për zgjidhje të përbashkët në rajon, jo vetëm për vete”.

Kurti me anë të kësaj deklarate ka thënë se Kosova nuk ka qenë e ftuar në konferencën rajonale “Mbi mundësitë në zhvillimin e energjisë së rinovueshme në Ballkanin Perëndimor” që është zhvilluar në Beograd javën e kaluar, kështu duke theksuar se duhet të ketë angazhim për zgjidhje të përbashkët.

Shefi i ekzekutivit ka theksuar se Kosova nuk është e varur nga gazi rus.

“Kosova fatmirësisht nuk varet nga gazi rus. Kosova është e angazhuar për t’i përmbushur të gjitha obligimet për energji, për treg të lirë të energjisë”, ka thënë Kurti.

Kreu i Qeverisë, ndër të tjera, ka përmendur masat që janë ndërmarrë nga Qeveria e Kosovës për të subvencionuar familjet që kursejnë energjinë elektrike.

Në ndërkohë, Kurti gjatë ditës do ta prezantojë para qytetarëve në Prizren buxhetin për vitin 2023.

Të martën, Kurti prezanton buxhetin e vitit 2023 në Prizren

 





Shija e redaktorit

Shkolla “Ismail Qemali” anëtarësohet në UNESCO Education Charter Club

Shkolla fillore e mesme e ulët “Ismail Qemali” në Prishtinë ka marrë konfirmimin zyrtar për themelimin e “Ismail Qemali UNESCO Education Charter Club”, duke...

“Dita e Forcës”, kazermat e FSK-së të hapura për qytetarët

Ministria e Mbrojtjes dhe Forca e Sigurisë së Kosovës, me rastin e Ditës së Forcës, sot duke filluar nga ora 09:00 deri në ora...

Enise Zijade, vajza tjetër e argjendtë e Kosovës

Xhudistja kosovare Enise Zijade ka shkëlqyer sot në Podgoricë, duke u renditur e dyta dhe duke siguruar medaljen e argjendtë. Ajo nisi garën me një...

Të fundit nga rubrika