Të martën, Kurti prezanton buxhetin e vitit 2023 në Prizren

Kreu i Qeverisë së Kosovës, Albin Kurti do të prezantojë buxhetin e vitit 2023 para qytetarëve në Prizren, kështu për të vazhduar edhe me komunat e tjera në ditët në vazhdim

Albin Kurti, Kryeministër i Kosovës





Kryeministri i Kosovës, Albin Kurti të martën e 22 nëntorit do të vizitojë parkun e inovacionit në Prizren për të marrë pjesë në konferencën për Rininë me moton “Drejt një politike kombëtare” e cila është paraparë të fillojë në orën 09:15.

Bashkë me të do të jenë edhe kryediplomatja, Donika Gërvalla-Schwarz, ministrja e Arsimit, Arbërie Nagavci, ministri i Financave, Hekuran Murati, ministrja e Tregtisë dhe Industrisë, Rozeta Hajdari si dhe ministri i Kulturës, Rinisë dhe Sportit, Hajrulla Çeku.

Po ashtu, gjatë ditës shefi i ekzekutivit do ta prezantojë para qytetarëve në Prizren buxhetin për vitin 2023.

“Qeveria e Republikës së Kosovës fillon takimet me qytetarë të Komunave të Kosovës për ta prezantuar Buxhetin për vitin 2023, njëherësh buxheti më i madh në histori të vendit”, thuhet në njoftimin e Zyrës së Kryeministrit.

Buxheti për vitin 2023 pati mjaft kritika nga opozita në seancën e 17 nëntorit në Kuvendin e Kosovës.

Megjithëse deputetët e kuvendit e kanë miratuar në parim projektligjin për ndarjet buxhetore për buxhetin e vitit 2023.

Në votim kanë marrë pjesë, gjithsej, 65 deputetë, nga ta 64 kanë votuar pro projektligjit, një ka qenë kundër dhe nuk ka pasur asnjë abstenim.

Partitë opozitare, të cilat gjatë ditës e kishin kundërshtuar këtë projektligj duke e kritikuar për mangësi, nuk kanë marrë pjesë në votim.

Kreu i Qeverisë së Kosovës, Albin Kurti duke shpalosur këtë projektbuxhet për vitin 2023 kishte thënë se është më i larti në historinë e Kosovës.

Ai ka bërë të ditur se buxheti i vitit 2023 do të jetë 3 miliardë e 212 milionë euro, gjersa ka shtuar, “Përveç se më i larti ndonjëherë, dyfish më i lartë se buxheti që e patëm trashëguar në vitin 2021”.

Kurti shpalos projektbuxhetin për vitin 2023: Dyfish më i lartë se buxheti që e patëm trashëguar në vitin 2021

 

 





Shija e redaktorit

Vetëm në muajin shkurt mërgata ka dërguar 87.9 milionë euro

Banka Qendrore e Republikës së Kosovës, sipas kalendarit të publikimeve, ka prezantuar statistikat për institucionet e tjera financiare për muajin shkurt 2024, të remitancave...

Ndahen 8 milionë euro për 11 komuna

Ministri i Administrimit dhe Pushtetit Lokal(MAPL), Elbert Krasniqi, ka njoftuar se janë ndarë 8 milionë euro në 11 Komuna. Ministri Krasniqi, bashkë me kryetarët e...

Kosova një hap më afër anëtarësimit në Këshill të Evropës

Komiteti për Politikë dhe Demokraci i Këshillit të Evropës ka miratuar raportin e raportueses për Kosovën, Dora Bakoyannis, ku rekomandohet që shteti ka përmbushur...

Të fundit nga rubrika