Kryeministri i vendit, Albin Kurti, ka uruar besimtarët katolikë dhe protestantë në Kosovë dhe në mbarë botën për festën e Pashkëve.
Kurti theksoi rëndësinë e harmonisë mes njerëzve dhe bëri thirrje për kujdes, solidaritet dhe respekt ndaj njëri-tjetrit.
“Shpresa, sakrifica, dashuria, falja dhe rilindja si nevojë për të ndryshuar për të mirë, janë mesazhet kyçe të kësaj feste. Le të na kujtojë kjo ditë e shenjtë rëndësinë e harmonisë mes nesh dhe të na frymëzojë për më shumë kujdes, solidaritet dhe respekt ndaj njëri-tjetrit. Sot dhe gjithmonë, Pashkët mbeten simbol i vlerave më të larta njerëzore dhe i besimit në një jetë më të mirë për të gjithë”, ka shkruar Kurti.