Presidenti i Turqisë, Recep Tajip Erdogan, ka pritur kryeministrin e Kosovës, Albin Kurti, në Kompleksin Presidencial në Ankara.
Siç raporton Zyra e Presidencës turke, tashmë ka nisur takimi mes tyre dhe nuk dihet nëse pas takimit do të mbajnë konferencë për media.
Po ashtu, kryeministri Kurti pritet të ketë edhe një takim me ministrin e Punëve të Jashtme të Turqisë, Hakan Fidan.
Qëndrimin në Turqi, kryeministri Kurti do ta vijojë në Stamboll, ku do të marrë pjesë në forumin e parë ekonomik të bizneseve ndërmjet Kosovës dhe Turqisë.
Kryeministri Kurti në vizitën e tij në Turqi është i shoqëruar nga zëvendëskryeministri i parë, Besnik Bislimi dhe zëvendëskryeministrja Emilija Rexhepi.
