Kryeministri i Kosovës, Albin Kurti, është i ftuar këtë të hënë si dëshmitar në Prokurorinë Speciale të Kosovës, në lidhje me një rast për veprën penale të keqpërdorimit të pozitës apo autoritetit zyrtar, sipas nenit 414 të Kodit Penal.
Ftesa, e bërë publike nga zëdhënësi i Qeverisë, Përparim Kryeziu, e detyron kryeministrin të paraqitet në objektin e Prokurorisë Speciale, në ora 09:30 të mëngjesit.
Derisa mediat e kanë pyetur Kurtin nëse do t’i përgjigjet kësaj ftese, ai nuk ka dhënë asnjë deklaratë konkrete.
Mbetet të shihet nëse kryeministri i Kosovës do të paraqitet sot në Prokurorinë Speciale për të dhënë dëshminë e tij.