Kryeministri i Kosovës, Albin Kurti, këtë të hënë është takuar me ambasadorin e Francës në Kosovë, Olivier Guérot.
Një nga temat për të cilën është diskutuar mes tyre, ka qenë edhe propozimi evropian për normalizimin e marrëdhënieve në mes të Kosovës dhe Serbisë.
“Marrëdhëniet bilaterale shumë të mira ndërmjet dy vendeve dhe mënyrat për avancimin e mëtejmë të tyre, dhe propozimi evropian për normalizim të raporteve me Serbinë, i përkrahur edhe nga Franca, ishin temat qendrore të bisedës. Republika e Kosovës mbetet e përkushtuar dhe konstruktive në dialog, teksa dëshiron marrëdhënie të mira fqinjësore dhe integrim në BE dhe NATO, u shpreh kryeministri Kurti”, thuhet në njoftim.
Kurti e ka falënderuar ambasadorin Guérot për rolin dhe mbështetjen e vazhdueshme të Francës ndaj Kosovës, si në zhvillimin e brendshëm, ashtu edhe në fuqizimin e subjektivitetit ndërkombëtar përmes anëtarësimit në organizata ndërkombëtare.