Kryeministri i Republikës së Kosovës, Albin Kurti, përmes një postimi në Twitter, ka uruar Rishi Sunak, për emërimin si kryeministër i Mbretërisë së Bashkuar.
Ai ka thënë se Kosova dhe Mbretëria e Bashkuara janë aleatë dhe kanë parime të përbashkëta.
“Urime për Rishi Sunak, me emërimin e tij si kryeministër i Mbretërisë së Bashkuar. Si aleatë të gjatë, Kosova dhe Mbretëria e Bashkuar, kanë parime dhe prioritete të përbashkëta”, ka thënë Kurti në postimin e tij.
Tutje, Kurti ka theksuar se mezi po pret të bashkëpunojë me kryeministrin Sunak.
“Mezi pres të punoj me kryeministrin Sunak, për t’i forcuar më tej marrëdhëniet tona dypalëshe dhe për t’i promovuar vlerat tona të përbashkët”, ka shkruar Kurti.
Congratulations to @RishiSunak on his appointment as Prime Minister of the United Kingdom. As longstanding allies, 🇽🇰 & 🇬🇧 have common principles & priorities. I look forward to working w/ PM Sunak to further strengthen our bilateral relations & promote our shared values.
— Albin Kurti (@albinkurti) October 25, 2022