Flutura Kusari, juriste e së drejtës së medias, ka reaguar pas anulimit të vendimit për shfuqizimin e certifikatës se biznesit të medias Klan Kosova.
Ajo ka thënë se “e mirëpres vendimin e ARBK-së për të anuluar vendimin e kundërligjshëm”.
“Me vjen shumë shumë keq për demin që i është bërë vendit tonë. Kushdo që e ka menduar, koordinuar dhe aprovuar këtë ide ka gabuar rëndë dhe pasojat do t’i vuan shoqëria jonë, vendi jonë, Lëvizja Vetëvendosje dhe Kryeministri Albin Kurti”, ka deklaruar Flutura Kusari, juriste e së drejtës së medias.
“Anulimi vërteton 100% faktin që vendimi i parë nuk ishte dokument juridik por vendim politik i keqmenduar dhe i dëmshëm”, ka theksuar ajo.
Kusari ka përfunduar duke thënë se gjithmonë do të jetë me gazetarët.