Lady Gaga nuk do të performojë në ceremoninë “Oscar”

Këngëtarja dhe aktorja 36-vjeçare, Lady Gaga, është nominuar për çmimin prestigjioz “Oscar” në kategorinë “Kënga më e mirë origjinale”, për kolonën zanore të filmit “Top Gun: Maverick”, “Hold My Hand"

Këngëtarja dhe aktorja 36-vjeçare, Lady Gaga, është nominuar për çmimin prestigjioz “Oscar” në kategorinë “Kënga më e mirë origjinale”, për kolonën zanore të filmit “Top Gun: Maverick”, “Hold My Hand”.

Por, fatkeqësisht Gaga nuk do të ketë mundësi t’i bashkohet yjeve të tjerë në ceremoninë e së dielës, që mbahet në teatrin “Dolby” në Los Angeles, për shkak të angazhimeve në sheshin e xhirimeve të filmit të ardhshëm, “Joker: Folie a Deux”, në të cilin ajo e luan rolin e personazhit të famshëm të librave komik, Harley Quinn.

Gjatë konferencës për shtyp të Ekipit Kreativ të “Oscars”, producenti Glenn Weiss tha: “Ne e kemi një raport të mrekullueshëm me Lady Gaga dhe ekipin e saj, por ajo është në mes të xhirimeve të një filmi dhe ne e nderojmë këtë proces të dhe industrinë e filmit. Pas diskutimeve të vazhdueshme, e kuptuam se ajo nuk do të mund ta realizojë një performancë të kalibrit të saj, prandaj vendosëm që ta lirojmë nga të gjitha angazhimet e ceremonisë së sivjetme ‘Oscar’. Ne e kuptojmë plotësisht se kjo është ajo që është prioriteti në këtë biznes, veçanërisht kur vet ceremonia jonë i nderon filmat”.

Pavarësisht mungesës së Gagas, e cila performoi në ceremoninë e vitit 2019 me aktorin Bradley Cooper, në të njëjtën natë kur kënga “Shallow” nga filmi i tyre “A Star Is Born” e fitoi çmimin “Kënga më e mirë Origjinale”, këngëtarët e tjerë të nominuar sivjet tashmë e kanë konfirmuar pjesëmarrjen, përfshirë këtu yllin Rihanna, e cila e interpreton këngën “Lift Me Up”, kolona zanore e filmit “Black Panther: Wakanda Forever”, Sofia Carson dhe Diane Warren do të interpretojnë këngën “Applause” nga filmi “Tell It Like a Woman”, David Byrne, Son Lux dhe Stephanie Hsu vijnë me këngën “This Is a Life” nga filmi “Everything Everywhere All at Once” dhe Rahul Sipligunj dhe Kaala Bhairava do ta performojnë këngën “Naatu Naatu” nga projekti kinematografik “RRR”.

Përveç tyre, Lenny Kravitz po ashtu do të performojë gjatë mbrëmjes në segmentin “In Memoriam”, ku kujtohen personalitetet që kanë vdekur gjatë vitit të kaluar.

Shija e redaktorit

Vetëm në muajin shkurt mërgata ka dërguar 87.9 milionë euro

Banka Qendrore e Republikës së Kosovës, sipas kalendarit të publikimeve, ka prezantuar statistikat për institucionet e tjera financiare për muajin shkurt 2024, të remitancave...

Ndahen 8 milionë euro për 11 komuna

Ministri i Administrimit dhe Pushtetit Lokal(MAPL), Elbert Krasniqi, ka njoftuar se janë ndarë 8 milionë euro në 11 Komuna. Ministri Krasniqi, bashkë me kryetarët e...

Kosova një hap më afër anëtarësimit në Këshill të Evropës

Komiteti për Politikë dhe Demokraci i Këshillit të Evropës ka miratuar raportin e raportueses për Kosovën, Dora Bakoyannis, ku rekomandohet që shteti ka përmbushur...

Të fundit nga rubrika