Përfaqësuesi special i Bashkimit Evropian për dialogun mes Kosovës dhe Serbisë, Miroslav Lajçak, në forumin “Dubrovnik Forum2022’’, ka deklaruar se janë gati tri-katër marrëveshje ndërmjet Kosovës dhe Serbisë, për të cilat ai po pret që të finalizohen së shpejti.
Po ashtu Lajçak, vlerësoi të dyja palët për takimet mujore në nivel të negociatorëve kryesorë dhe shtoi se ekziston marrëveshja që takimet të zhvillohen në nivelin më të lartë.
Sipas raportimi nga “N1”, Lajçak vlerësoi gjithashtu se procesi i dialogut ndërmjet Kosovës dhe Serbisë është procesi më strategjik në rajon.
Sipas tij, dy çështje urgjente janë fillimi i negociatave për pranimin e Shqipërisë dhe Maqedonisë së Veriut në Bashkimin Evropian si dhe liberalizimi i vizave për Kosovën.
Zgjerimi i domosdoshëm
Po ashtu, sipas tij ka ardhur koha që Bashkimi Evropian të rikthejë besueshmërinë e zgjerimit dhe partnerët të bëjnë seriozisht punën e tyre në reforma.
Gjatë forumit, Lajçak ka thënë se duhet të përfundojnë punët e pambaruara për çështjen e integrimit të Ballkanit Perëndimor në Bashkimin Evropian (BE).
Sipas emisarit evropian, BE ka ndryshuar, sepse është lufta ruse në Ukrainë ajo që ka ndryshuar gjithçka, përfshi edhe vet politikën, andaj BE duhet të reflektoj dhe t’i hapë rrugë vendeve të Ballkanit Perëndimor që të bëhen pjesë e familjes evropiane.
“Në Dubrovnik Forum2022, theksova se lufta në Ukrainë ndryshoi gjithçka. Zgjerimin e bëri sërish politik. Për një kohë të gjatë, ne ishim të vetëkënaqur. Kjo nuk mund të vazhdojë më. Ne duhet të mbarojmë punën tonë të papërfunduar kur bëhet fjalë për integrimin e Ballkanit Perëndimor”, ka shkruar Lajçak në rrjetin social Twitter.
At #DubrovnikForum2022, I stressed the war in Ukraine changed everything. It made enlargement political again. For too long, we were complacent. This cannot continue any longer. We need to finish our unfinished business when it comes to 🇪🇺 integration of the Western Balkans. pic.twitter.com/owYFnLTezu
— Miroslav Lajčák (@MiroslavLajcak) July 9, 2022
Në postim Lajçak ka bërë të ditur se është takuar edhe me kryeministrin kroat Andrej Plenkoviç, me të cilin ka diskutuar zhvillimet në Ballkanin Perëndimor.
“Sot në mëngjes, në margjinat e #DubrovnikForum2022, u takova me kryeministrin Andrej Plenkoviç për të diskutuar zhvillimet në Ballkanin Perëndimor dhe nevojën për një perspektivë të besueshme të BE-së për të gjithë rajonin”, ka shkruar ai.
Lajçak në Dubrovnik është takuar edhe me emisarin e Britanisë së Madhe për Ballkanin Perëndimor, Sir Stuart Peach, ku ka thënë se me të mban takime të rregullta dhe se ‘’është gjithmonë e dobishme të krahasohen shënimet mbi të rejat në Ballkanin Perëndimor’’.
I regularly meet my 🇬🇧 counterpart Sir Stuart Peach. Whether in the region, Brussels, London or elsewhere, it’s always useful to compare notes on the latest in the Western Balkans. pic.twitter.com/2WFOvNlrEj
— Miroslav Lajčák (@MiroslavLajcak) July 9, 2022