I dërguari i posaçëm i Bashkimit Evropian për dialogun Kosovë-Serbi, Miroslav Lajçak, në margjinat e Forumit Ekonomik Botëror që po mbahet në Davos të Zvicrës, është takuar me ministrin e Punëve të Jashtme të Finlandës, Pekka Haavisto, me të cilin, kanë diskutuar për dialogun në mes të Kosovës dhe Serbisë.
Lajçak ka theksuar se Finlanda ka një histori të gjatë në normalizimin e marrëdhënieve në mes të Kosovës dhe Serbisë, dhe ka një interes të madh për t’i avancuar përpjekjet e BE-së.
“Është gjithmonë kënaqësi të diskutosh me Pekka Haavisto. Unë llogaris që Finlanda ta vazhdojë mbështetjen ndaj dialogut Kosovë-Serbi”, ka shkruar ai në Twitter.
🇫🇮 has history in the normalisation of relations between Kosovo and Serbia and takes a keen interest in advancing our 🇪🇺 efforts. As such i’s always a pleasure to discuss the state of play with FM @Haavisto. I count on Finland’s continued initiatives in support of the Dialogue. pic.twitter.com/lmpEMnJjTZ
— Miroslav Lajčák (@MiroslavLajcak) January 19, 2023