Emisari i posaçëm i Bashkimit Evropian për dialogun në mes të Kosovës dhe Serbisë, Miroslav Lajçak, gjatë takimit me kryenegociatorin serb për dialogun Kosovë-Serbi, Petar Petkoviq, ka thënë se është diskutuar për draft statutin e Asociacionit të Komunave me Shumicë serbe.
Me anë të një postimi në llogarinë e tij në Twitter, Lajçaku ka thënë se janë diskutuar edhe hapat e ardhshëm për zbatimin e Marrëveshjes për rrugën drejt normalizimit dhe obligimet e mbetura në pritje.
Lajçaku ka njoftuar se diskutimet me palën kosovare do t’i vazhdojë në fund të javës.
“Me kryenegociator serb Petar Petkoviq, fola për draft-statutin e Asociacionit të komunave me shumicë serbe, hapat e ardhshëm për zbatimin e Marrëveshjes për rrugën drejt normalizimit dhe obligimet e mbetura në pritje. Do të vazhdojë diskutimet me Kosovën në fund të kësaj jave”, shkroi Lajçak.
With Serbian Chief negotiator @PetkovicPetar, I spoke about the 🇪🇺 draft statute of the Association of Serb majority municipalities, next steps to implement the Agreement on the Path to Normalisation and pending obligations. Will continue discussions with Kosovo later this week. pic.twitter.com/kvVDV6ibL2
— Miroslav Lajčák (@MiroslavLajcak) December 11, 2023