Këtë javë rifillon gara më e madhe e futbollit në Evropë, Liga e Kampionëve e UEFA-s, me ndeshjet e para të raundit të 16-tave.
Të martën dhe të mërkurën do të luhen tetë përballje të jashtëzakonshme që do të vendosin shumë për fazën tjetër të kompeticionit.
E martë, 10 mars
- Galatasaray – Liverpool (18:45)
- Newcastle – Barcelona (21:00)
- Atletico Madrid – Tottenham (21:00)
- Atalanta – Bayern Munich (21:00)
E mërkurë, 11 mars
- Leverkusen – Arsenal (18:45)
- PSG – Chelsea (21:00)
- Bodø/Glimt – Sporting CP (21:00)
- Real Madrid – Manchester City (21:00)
Real Madrid kundër Manchester City shënon herën e gjashtë në shtatë sezone që këto dy klube janë takuar në këtë garë. City regjistroi një fitore 2-1 në Santiago Bernabeu gjatë fazës së ligës në dhjetor.
Një nga pyetjet kryesore për tifozët këtë javë është nëse Kylian MbappE do të jetë në formë për të luajtur me PSG-në pas lëndimit të gjurit që e detyroi të mungonte në play-off kundër Benficës.
Ndeshjet e kthimit janë planifikuar për 17 dhe 18 mars, duke kompletuar raundin e 16-tave dhe duke treguar se cilët klube do të kualifikohen për çerekfinalet e Ligës së Kampionëve.
Bodo Glimt, klubi norvegjez, është një nga historitë më të veçanta të suksesit këtë sezon. Pas triumfeve të papritura ndaj Manchester City dhe Atletico Madrid në fazën e grupeve, ata eliminuan Interin me rezultatin e përgjithshëm 5-2 në fazën eliminatore, duke arritur për herë të parë në 16-tën e fundit në historinë e klubit.
Tani Bodo Glimt do të përballen me Sporting CP, që u kualifikua direkt përmes një përfundimi në fazën e grupeve ndër tetë ekipet e para.
Ndeshja Atletico Madrid – Tottenham rikthen një rivalitet të vjetër që daton nga finalja e Kupës së Fituesve të Kupave Evropiane në vitin 1963, kur Spurs fituan 5-1 dhe u bënë klubi i parë britanik që fitoi një trofe të madh evropian.