Shumica e rasteve të identifikuara me linë e majmunëve tek njerëzit ka qenë në Afrikën qendrore dhe perëndimore, dhe përhapja ka qenë relativisht e kufizuar.
Por, së fundi, Spanja konfirmoi gjithsej 142 raste pozitive të lisë së majmunëve me 1 qershor.
22 më shumë se sa u raportuan ditë më parë ka thënë ministria spanjolle e shëndetësisë.
“Nuk do ta quaja shqetësim. Ekziston një alarm, i cili nuk është domosdoshmërisht një shqetësim. Unë mendoj se ne të gjithë jemi të bindur se nuk do të jetë si SARS-CoV-2.”
Spanja, Portugalia dhe Britania janë vendet me më shumë raste në shpërthimin e lisë së majmunëve jashtë pjesëve të Afrikës Perëndimore dhe Qendrore ku është endemike.
Rajoni i Madridit filloi testimin për linë e majmunëve në pesë spitale të ndryshme pasi rastet vazhduan të rriteshin pak në vend.
Situatën e bëri të ditur mikrobiologu Garcia Rodriguez nga ministria spanjolle e shëndetësisë.
“Nëse do të ketë një rritje të rasteve në ditët në vijim, kryesisht për shkak të ngjarjeve të caktuara apo partive ku transmetimi është më i lehtë, kjo është e pritshme, por do të ishte shumë larg nga ajo që përjetuam me COVID.”
Organizata Botërore e Shëndetësisë (OBSH) ka thënë se lija e majmunëve përbën një “rrezik të moderuar” për shëndetin e përgjithshëm publik në nivel global, pasi u raportuan raste në vendet ku sëmundja zakonisht nuk gjendet.