Deputeti i VV-së, Adnan Rrustemi, ka komentuar vendimin e organeve të drejtësisë së Serbisë për të ia ndalur terroristit Milan Radoiçiq të futet në Kosovë.
Në profilin e tij në rrjetin social “Facebook”, Rrustemi ka shkruar se krimineli serb duhet të vijë në Kosovë.
“Në fakt Radojçiqi duhet të vije në Kosovë. Ky është vendi i vetëm ku duhet me ardh ai”, ka shkruar ai.
Ndryshe, Terroristi Millan Radojiçiq është liruar nga paraburgimi.
Gjykata e Lartë në Beograd ka refuzuar propozimin Prokurorisë së Lartë Publike për të caktuar masën e paraburgimit.
Ndaj Radojiçiqit është caktuar masa e ndalimit për t’u larguar nga Serbia pa miratimin e gjykatës dhe i është ndaluar hyrja në Kosovë, ka raportuar mediumi serb Danas.
Sipas këtij vendimi, Radoiçiq do të duhet të paraqitet në stacionin policor kompetent në datat 1 dhe 15 të çdo muaji.