Opinionisti Alban Lumi nuk ka kursyer lëvdatat për fitoren 7-2 të Ballkanit, ndaj Trepçës 89.
I ftuar në emisionin “Dueli Sportiv” ai tha se “Forca e Ballkanit erdhi në forcë pikërisht tani. Tani është rikthyer Gripshi, me të skuadra tregon fytyrë komplet tjetër. Djelmoshat e Ballkanit vallëzuan sot në fushë”.
Lumi po ashtu shtoi “teksa, sa i përket Trepçës 89, ajo e ka një skuadër me futbollistë të rinjë, janë përqendruar për të ardhmen. Ky ishte momenti i shpërthimit të Ballkanit. Me këtë fitore, ishte një sinjal që xhebrailat të presin nga java në javë për t’i parë yjet e tyre”.
“Dueli Sportiv” do të vazhdojë çdo të dielë, me fillim nga ora 22:00. Përveç sportit vendor, do të ketë edhe shumë risi tjera në vijim.