Ministri i Mbrojtjes, Ejup Maqedonci, së bashku me ministrin e Kulturës, Hajrullah Çekun, deputetë e ish të burgosur polikë kanë nderuar dëshmorët e demonstratave të 27 dhe 29 marsit të viti 1989.
Maqedonci ka thënë se liria që gëzojmë ka themel gjakun e shumë atdhetarëve të rënë përgjatë etapave të historisë.
“Sot së bashku me ministrin Çeku, deputetë të Kuvendit të Kosovës, ish të burgosurit politikë, familjarët e dëshmorëve dhe qytetarë, nderuam dëshmorët e demostrantave të 27 dhe 28 marsit 1989. Demonstratat gjithëpopullore të vitit 1989 ishin vazhdimësia e rezistencës së popullit të Kosovës në përpjekjen e tij për liri dhe të drejta të barabarta.
Brenda këtyre dy ditëve nga plumbat e pushtuesit ranë dëshmorë 25 demostrues dhe u plagosën qindra të tjerë, kryesisht të rinj dhe të reja nga të gjitha anët e Kosovës. Liria që gëzojmë sot ka themel gjakun e shumë atdhetarëve të rënë përgjatë gjithë etapave të historisë”, ka shkruar Maqedonci në Facebook.