Kryetari i Sindikatës së Arsimit, Shkencës dhe Kulturës së Maqedonisë, Jakim Nedellkov u shpreh se qeveria po bën presion ndaj grevistëve, duke përdorur mënyra të ndryshme ligjore dhe deklarative.
Nedellkov tha se qeveria duke përdorur presionin, ka kërkuar se me çfarë akti juridik është ndaluar procesi arsimor në Maqedoni, duke publikuar aktin juridik të SASHK për grevë të përgjithshme.
Po ashtu, theksoi se qeveria me presion është shprehur se ndaj grevistëve do të paguhen vetëm kontributet.
Ndërsa, kjo sipas Nedellkov, nuk është e mundshme, për shkak se e drejta e grevës është e mbrojtur me marrëveshjen kolektive dhe me ligj.
Në fund u shpreh se greva do të vazhdojë deri sa të arrijnë marrëveshje me kompetentët, për rritjen e pagës së mësimdhënësve dhe edukatoreve në çerdhe.