Ministria e Punëve të Jashtme të Kosovës (MPJD) ka mbajtur konsultimet politike të hënën në Hagë me Ministrinë e Punëve të Jashtme të Holandës.
Kjo mbledhje në mes të dy dikastereve u mbajt nën drejtimin e zëvendësministrit Kreshnik Ahmeti dhe zëvendësministres, Anita van den Ende.
“Përgjatë konsultimeve u vlerësua ngritja e ndërveprimit ekonomik dhe tregtar mes ekonomive të të dyja vendeve dhe u shqyrtuan mundësitë për lehtësimin e mëtutjeshëm të këtyre zhvillimeve”, thuhet në njoftim.
Zëvendësministri Ahmeti falënderoi zëvendësministren Ende për mbështetjen e Holandës ndaj Kosovës në kalimin e fazës së parë në Këshillin e Evropës.
Poashtu në këtë takim u diskutua edhe për procesin e integrimit të Kosovës në organizata tjera ndërkombëtare.
Përveç tjerash thuhet se u diskutua edhe për agresionin e paprovokuar të Rusisë mbi shtetin e Ukrainës dhe rëndësinë e vendosjes së sanksioneve kundër saj.