4116 shoferëve u është ndaluar drejtimi i mjetit me veprim motorik, nga Policia e Kosovës.
Me anë të një postimi në Facebook, Policia ka njoftuar se kjo shifër është arritur në gjashtë mujorin e parë të këtij viti, përkatësisht në periudhën janar-qershor.
“Policia e Kosovës vazhdon me aktivitete që kanë për qëllim ngritjen e sigurisë në trafikun rrugor si dhe uljen e aksidenteve. Gjatë periudhës kohore Janar – Qershor 2023: 4116 shoferëve, iu është ndaluar drejtimi i mjetit me veprim motorik. 12751 shoferëve, iu kanë vendosur pikë negative”, thuhet në njoftim.
Policia e Kosovës u ka bërë thirrje shoferëve që të respektojnë rregullat e trafikut.