Reperin nga Mitrovica nuk do ta shohim më vetëm nëpër koncerte, por edhe në stadiumet kosovare.
“Mc Kresha” iu është bashkuar Phoenix si pjesë e stafit teknik dhe menaxher gjeneral, ka njoftuar klubi të hënën.
Ai përveçse konsiderohet një nga reperët më të mirë shqiptar, është edhe sportdashës i madh i futbollit.
Së fundmi, “Mc Kresha” ka marrë licencën C të trajnerit. Ai ka përfunduar të gjitha trajnimet e UEFA-s në Tiranë.
Gjatë fëmijërisë është marrur me futboll dhe ka qenë pjesë e klubit Trepça, si portier.
Një lëndim në gju ia ka pamundësuar të vazhdojë karrirën për tu bërë futbollist profesionist.
“Mc Kresha” është një tifoz i zjarrtë i Liverpoolit.