Më 11 qershori 2021, Shqipëria u pranua si anëtare e përkohshme në Këshillin e Sigurimit të OKB-së. Një vit më pas, për 30 ditë Shqipëria do të mbajë presidencën e Këshillit të Sigurimit të OKB-së.
Kryeministri Edi Rama dhe ministrja e Jashtme Olta Xhaçka do të jenë në Nju Jork në marrjen e stafetës të drejtimit Këshillit të Sigurimit, përcjell Top Chanal.
Ferit Hoxha, ambasador i Shqipërisë në OKB ka treguar përgjegjësinë e madhe dhe privilegjin e marrjes të presidencës të Këshillit të Sigurimit.
Olta Xhaçka, shefja e diplomacinë Shqiptare, ka thënë se me marrjen e presidencës së këshillit, Shqipëria do të jetë pararojë e përpjekjeve diplomatike për të izoluar Rusinë
Shqipëria është pranuar anëtare e OKB më 14 dhjetor 1955 dhe pas 66 vjetësh anëtarësie, është votuar për herë të parë si anëtare në Këshillin e Sigurimit. I cili përbëhet nga 15 anëtarë, ku SHBA, Britania e Madhe, Franca, Rusia dhe Kina janë anëtare të përhershme ndërsa 10 vendet e tjera anëtare janë me mandat dyvjeçar.