Më shumë se 700 persona të arrestuar anembanë Rusisë në protestat kundër mobilizimit

Qindra njerëz janë arrestuar anembanë Rusisë gjatë javës së fundit të cilët kanë organizuar protesta në shenjë revolte kundër presidentit Vladimir Putin i cili ka njoftuar për një mobilizim i cili mund t'i dërgoj në Ukrainë rreth 300 mijë persona për të luftuar

Foto ilustrim

Më shumë se 700 persona janë arrestuar në protestat e së shtunës të 24 shtatorit sipas organizatës për të drejtat e njeriut OVD-Info, ndërkaq qindra të tjerë në fillim të javës.

Vajzat deri në 14 vjeç gjithashtu ishin në mesin e atyre që janë arrestuar në Shën Petersburg pasi policia ka përdorur armë trullosëse dhe shkopinj në përleshje me demonstruesit.

Shefi i BE-së ka thënë se Evropa duhet të hapet për ata që ikin nga lufta.

Ndërkohë në kufirin jugor, radhët e trafikut disa shoferë kanë braktisur automjetet e tyre.

Skena të ngjashme janë parë në aeroporte, pasi dhjetëra fluturime jashtë vendit me bileta të shitura me çmime të larta kanë transportuar burra në destinacione ndërkombëtare si Turqia, Armenia, Azerbajxhani dhe Serbia, ku rusët nuk kanë nevojë për viza.

Gjithë kjo ka ardhur pasi presidenti Vladimir Putin, i përballur me një seri humbjesh në Ukrainë, ka njoftuar një mobilizim të pjesshëm që mund të sjellë 300 mijë rezerva të thirrura për të luftuar, njofton Sky News.

Ndërsa sondazhet në Rusi kanë sugjeruar një mbështetje të gjerë të brendshme për atë që Kremlini e quan “operacioni i tij special ushtarak” në Ukrainë pjesërisht për shkak të propagandës së gjerë të qeverisë kërcënimi i rekrutimit masiv ka shkaktuar protesta.

Kërcënimet e gjata për paraburgim për pjesëmarrje në mitingje antiqeveritare nuk i kanë ndaluar disa njerëz të dalin në rrugë për të demonstruar kundër mobilizimit.

Qindra njerëz janë arrestuar në ditët e fundit teksa protestuesit dhe policia janë përleshur në qytete anembanë vendit.

Demonstrata janë raportuar në qytete afërsisht 4,000 milje larg njëri-tjetrit, duke përfshirë Moskën, Shën Petersburg, Tomsk, Tver, Khabarovsk, Chita, Omsk, Ulan-Ude, Barnaul, Yekaterinburg, Irkutsk, Novosibirsk, Perm, Saratov dhe Pskov.

Shija e redaktorit

Vetëm në muajin shkurt mërgata ka dërguar 87.9 milionë euro

Banka Qendrore e Republikës së Kosovës, sipas kalendarit të publikimeve, ka prezantuar statistikat për institucionet e tjera financiare për muajin shkurt 2024, të remitancave...

Ndahen 8 milionë euro për 11 komuna

Ministri i Administrimit dhe Pushtetit Lokal(MAPL), Elbert Krasniqi, ka njoftuar se janë ndarë 8 milionë euro në 11 Komuna. Ministri Krasniqi, bashkë me kryetarët e...

Kosova një hap më afër anëtarësimit në Këshill të Evropës

Komiteti për Politikë dhe Demokraci i Këshillit të Evropës ka miratuar raportin e raportueses për Kosovën, Dora Bakoyannis, ku rekomandohet që shteti ka përmbushur...

Të fundit nga rubrika