Mediat iraniane, duke cituar kreun e Organizatës së Mjekësisë Ligjore të vendit, Abbas Masjedi Arani, raportojnë se më shumë se 3,000 persona janë vrarë në Iran që nga fillimi i konfliktit më 28 shkurt.
Deri më 7 prill, Agjencia e Lajmeve për Aktivistët e të Drejtave të Njeriut (HRANA), me bazë në SHBA, tha se 1,701 civilë kanë humbur jetën, përfshirë të paktën 254 fëmijë, shkruan BBC, transmeton Dukagjini.
“HRANA” gjithashtu raportoi se ka pasur 1,221 viktima ushtarake dhe 714 vdekje të tjera të paklasifikuara që nga fillimi i konfliktit.
Kujtojmë se mbetet e vështirë për organizatat e lajmeve të sigurojnë informacione nga Irani pasi ka një bllokadë të gjatë të qasjes në internet, e cila tani ka hyrë në ditën e 41-të, sipas faqes së monitorimit të internetit NetBlocks.