Ministri i Mbrotjes, Armend Mehaj ka ftuar të gjithë qytetarët të aplikojnë për t’u bërë ushtarë të Forcës së Sigurisë së Kosovës(FSK).
“Kanë mbetur vetëm edhe një javë deri në datën 15 janar kur do të mbyllim zyrtarisht konkursin e rekrutimit të 612 ushtarëve aktivë dhe 388 ushtarëve të kompromentës rezervë”, ka thënë Mehaj.
Mehaj ka shtuar se kanë mbetur vetëm dhe disa orë para se të mbyllet aplikimi.
“Kanë mbetur vetëm edhe 168 orë kur do të fillojë procesi i përzgjedhjes së atyre që do të bartin uniformën e nderit, simbolin e shtetit dhe besimin e popullit”, ka thënë tutje ai.
Ministri i Mbrojtjes ka theksuar se Ushtria e Republikës së Kosovës ka një vizion të qartë drejt anëtarësimit në NATO.
“Përderisa vendi ynë lind të rinj e atdhetarë të cilët bëjnë nderime para flamurit, tradita jonë për t’i shërbyer vendit nuk do të vdesë kurrë”, ka potencuar tutje ministri Mehaj.