Ministri i Mbrojtjes, Armend Mehaj, ka thënë se partneriteti ndërmjet Kosovës dhe Ioëa-s promovon diversitetin, inovacionin dhe miqësinë.
Kështu ka thënë ai përmes një postimi në Facebook, teksa ka shpërndarë disa fotografi me zyrtarë të lartë gjatë takimit të tij.
“Partneriteti ndërmjet Kosovës dhe Iowa-s ka nxitur bashkëpunimin në sektorë të ndryshëm siç është siguria dhe ndërtimi i paqes, promovimi dhe shkëmbimi kulturor si dhe forcimi i lidhjeve diplomatike. Një aleancë e tillë promovon diversitetin, inovacionin dhe miqësinë”, shkroi ai.
Ndryshe, të martën e 24 janarit, ministri Mehaj kishte pritur me nderime të larta ushtarake në vizitën e tij lamtumirës, Komandantin e Gardës Kombëtare të Iowa-s, gjeneral major, Benjamin J.Corell.
Me këtë rast për shërbimin e tij të paçmim dhe kontributin e dhënë në forcimin e bashkëpunimit ndërmjet Ministrisë së Mbrojtjes dhe Gardës Kombëtare të Iowas, ministri Mehaj e dekoroi Gjeneralin Corell me Medalje për Shërbim të Shquar.
“Gjeneral Corell do të mbetet mik i përjetshëm i Republikës së Kosovës, ngase i pakursyer ka qenë në angazhimin e tij për të mbështetur Forcën e Sigurisë së Kosovës në ngritjen e aftësive dhe kapaciteteve profesionale dhe operacionale duke e konsideron gjithmonë si partner besnik në zhvillimin e misioneve të përbashkëta, e realizimin e operacioneve paqeruajtëse”, thuhej në njoftimin e Mehajt.
Mehaj pret me nderime të larta ushtarake komandantin e Gardës së Iowa-s