Kryeministri i Maqedonisë së Veriut, Hristijan Mickoski dhe ministri i shëndetësisë, Arben Taravari, gjatë fjalimit të tyre në aktivitetin e organizuar me rastin e politikave shëndetësore, kanë thënë se duhet zgjeruar listën e barnave esenciale.
Ata gjithashtu kanë folur edhe për sfidat në institucionet e shëndetësisë.
“Qasja në barna cilësore nuk është vetëm prioritet, por përcaktim bazë i Qeverisë për mbrojtjen e qytetarëve dhe të ardhmes më të shëndetshme”.
“Duhet të përforcohet bashkëpunimi ndërmjet të gjitha institucioneve nga fusha e shëndetësisë. Veprimi i përbashkët do të sjellë zgjidhje të qëndrueshme”, tha Mickoski.
Sipas ministrit Taravari, Qeveria premtoi se do ta përmirësojë qasjen në barna cilësore dhe atë po e realizon.
Në pjesën e hapur të ngjarjes fjalime hyrëse do të kenë edhe drejtoresha për politika shëndetësore dhe sisteme në zyrën rajonale të OBSH-së për Evropë, Natasha Azopardi Muskat dhe përfaqësuesi i OBSH-së për Maqedoninë e Veriut, Akim Ali.