Minatorët e Ndërmarrjes “Trepça” kanë arritur një marrëveshje me Bordin e Përkohshëm të Drejtorëve të Trepçës pas një greve të gjatë 10-ditore.
Marrëveshja është publikuar me detaje dhe përmban një përmbushje të kërkesave të paraqitura nga ana e minatorëve.
Minatorët kishin paraqitur kërkesat për rritja e pagave të minatorëve nga 6 deri në 10 herë më shumë në muaj, shpalljen e konkursit të KE-së, përmirësimin e kushteve të sigurisë në minierën e “Trepça”, dhe të tërhiqen vendimet e nxjerra gjatë grevës.
Ndërmarrja “Trepça” ka reaguar pozitivisht ndaj këtyre kërkesave, duke u pajtuar me tre prej tyre.
Një letër zyrtare e publikuar nga Ndërmarrja “Trepça” tregon që Bordi i Përkohshëm i Drejtorëve ka trajtuar kërkesat e minatorëve me kujdes dhe është pajtuar me këto tre pika.
Paga e minatorëve do të rritet, konkursi i KE-së do të shpallet, dhe kushtet e sigurisë në minierën e “Trepça” do të përmirësohen në përputhje me kërkesat e paraqitura nga minatorët.
Në lidhje me kërkesën e fundit, Ndërmarrja “Trepça” ka premtuar që do të analizojë dhe shqyrtojë në vijimësi vendimet e KE-së, përfshirë ato të datës 27 tetor 2023.
“Ne Bordi i Përkohshëm i Drejtorëve jemi në pajtueshmëri të plotë me kërkesat e paraqitura nga ju, sepse janë edhe prioritet tona tashmë. Ne Bordi i Përkohshëm i Drejtorëve pajtohemi me pikat 1,2,3. Kërkesa e fundit e letrës tuaj ju sigurojmë që do të analizojmë dhe shqyrtojmë në vijimësi vendimet e KE-së, përfshirë ato nga data 27.10.2023”, thuhet në letrën e Ndërmarrjes “Trepça”.
Pas 10 ditësh grevë, minatorët e Trepçës kanë dalë nga nëntoka dhe e kanë ndërprerë protestën.
Gjatë mbrëmjes së enjte, në ndërmarrjen “Trepça” kanë qëndruar deputetë të Lëvizjes Vetëvendosje dhe zyrtarë të Ministrisë së Ekonomisë.
Minatorët e ndërmarrjes “Trepça” ishin në grevë që nga data 24 tetor. Pavarësisht rëndimit të gjendjes shëndetësore të tyre, greva kishte vazhduar deri në ditën e 10-të.