Ministria e Industrisë, Ndërmarrësisë dhe Tregtisë(MINT) i ka publikuar çmimet maksimale apo “tavan” të naftës dhe derivateve të tjera për 24 orët e ditës së hënë.
Çmimi i naftës nga 1.83 euro sa ishte të shtunën, të hënën del të jetë katër centë më lirë, 1.79 euro për litër.
Kurse benzina, nga 1.76 euro për litër sa ishte të shtunën, të hënën del të jetë njësoj.
Kurse për gaz, çmimi nuk ka ndryshuar nga ditët e tjera, prapë mbetet 0,78 centë për litër.
Ministria e Tregtisë çdo ditë do të caktojë çmimet tavan apo çmimet maksimale për shitjen e derivateve, varësisht edhe nga çmimi botëror i tyre.
Në një mbledhje të qeverisë, ishte votuar propozimi i Ministrisë së Industrisë, Ndërmarrësisë dhe Tregtisë për caktimin e një çmimi maksimal të derivateve.