Jamie Lee Henry dhe Anna Gabrielian akuzohen se kanë planifikuar të tregojnë informacione konfidenciale për pacientët në një spital ushtarak.
Dyshja dyshohet se i kanë thënë një agjenti të fshehtë të FBI-së se ata ishin motivuar nga patriotizmi për Rusinë.
Ndërkaq përfaqësuesit e çiftit nuk kanë komentuar ende për rastin dhe nuk ka pasur ndonjë koment nga autoritetet ruse.
Dyshja janë akuzuar për konspiracion dhe zbulim të informacionit të identifikueshëm shëndetësor, në një aktakuzë të ngritur në një gjykatë në Baltimore, Maryland, e cila u hap të enjten e 29 shtatorit, raporton BBC.
Prokurorët kanë thënë se çifti dëshironte të ndihmonte qeverinë ruse “të fitonte njohuri mbi kushtet mjekësore të individëve të lidhur me qeverinë dhe ushtrinë amerikane”.
Ndryshe, Dr. Gabrielian ka punuar në Spitalin Johns Hopkins në Baltimore, dhe dyshohet se ka ofruar ndihmë ambasadës ruse në Uashington disa muaj më parë, pasi që Rusia kishte pushtuar Ukrainën.