Dr. Mohamed El Ron – drejtori kirurgjik në Spitalin e Indonezisë në Jabalia, për shpërthimin në kampin e refugjatëve në Gaza, ka thënë se spitali ka marrë rreth 400 viktima, duke përfshirë 120 të vdekur, dhe shumica ishin fëmijë dhe gra.
El Ron ka thënë se kishte njerëz të plagosur rëndë që kishin nevojë për një operacion kompleks, të cilët duhej të transferoheshin “nën zjarr” në spitalin Al Shifa në qytetin e Gazës.
Ai ka treguar se para këtij shpërthimi ka pasur edhe një më herët këtë mëngjes, nga i cili spitali ka marrë 50 deri në 60 të plagosur dhe rreth 10 të vdekur, raporton BBC, përcjellë Dukagjini.
Zëdhënësi i Forcave të Mbrojtjes të Izraelit Danial Hagari, më herët ka konfirmuar se avionët luftarakë izraelitë kanë kryerë sulmin në kampin e refugjatëve “Jabalia” në Gaza.
Lexo dhe:
- Shpërthim në kampin e refugjatëve në Gaza, raportohet për viktima
- Izraeli konfirmon se e bombardoi kampin e refugjatëve në Gaza