Leonida Molliqaj nga Organizata “Qika”, për rastin e ngacmimit seksual nga profesori, Xhevat Krasniqi, e ka quajtur rast të rëndë.
E ftuar në “Debat Plus”, Molliqaj ka thënë se qasja e Krasniqit nuk i ngjan qasjes së një profesori.
“Unë mendoj që rasti i Xhevat Krasniqit është rast i rëndë dhe vajzat që janë duke diskutuar me neve gjatë kohë së protestës vazhdimisht kanë ankesa, të cilat flasin për nevojën e tij për ti shtypur të tjerët, sidomos vajzat dhe qasjes së tij që nuk i ngjan qasjes së një profesori,” tha ajo.
Molliqaj bëri të ditur që Universiteti i Prishtinës i ka lëshuar dy reagime që sipas saj janë shumë të vonshme.
“Nën 1 Këshilli i Etikës është vonuar dhe ka shkelur rregulloren për ngacmimet seksuale e cila parasheh afatin për 5 ditësh për me u ftu palët në intervistë, palët i ka ftuar vetëm pas raportimit të mediave diku pas tri jave të denoncimit,” ka thënë Molliqaj.
E reagimet e UP-së Molliqaj i quajti se kanë qenë vetëm nga arsyeja pas protestave të Lëvizjes Feministe Studentore që kanë qenë tërë ditore dhe bllokuse të punës së Rektoratit
“Deklaratat e UP-së janë totalisht boshe dhe të papranueshme për neve,” shtoi ajo.
Teksa theksoi se, deklarata e paragjykon faktin që denoncimi është vonuar pra nuk është denoncuar rasti menjëherë kur ka ndodhur.
“Deklarata: Sqarojmë se rasti adresuar pretendohet të ketë ndodhur para 1 viti e gjysmë përkundër kësaj rasti është adresuar në Këshill të Etikës vetëm në mes të marsit 2024, kurdo që një rast paraqitet ai merret dhe trajtohet me seriozitetin e duhur por nëse është dashur kaq kohë e gjatë, Këshilli e vlerëson se e meriton një periudhë kohore,” bëri të ditur Molliqaj.
Ajo shtoi se “Këshilli e paragjykon kohën kur vajzat e kanë marrë guximin me mbështetjen e dekanes për ta paraqitur rastin.”