Gjatë të shtunës së 28 majit, moti pritet të jetë kryesisht me vranësira. Pritet të ketë rënie të temperaturave dhe shtrëngata me shi. Lokalisht priten edhe reshje breshëri dhe shiu.
Temperaturat minimale priten të jenë deri në 15 gradë Celsius, ndërsa ato maksimale do të arrijnë deri në 28 gradë Celsius.
Era të shtunën ndryshon drejtimin në verilindje orëve të mbrëmjes, që frynë e lehtë dhe mesatare 4-9m/s.
Shtypja atmosferike fillimisht në rritje, e më pas me tendencë të rënies.
Kurse gjatë ditës së dielë, parashikohet një mot më i freskët dhe kryesisht me vranësira dhe reshje lokale shiu. Ditën do të ketë zhvillime edhe të shtrëngatave me shi, vende-vende më intenzive.
Përgjatë fundjavës, cilësia e ajrit do të jetë kryesisht në vlera të pranueshme dhe të mira.
Reshje të shiut pritet edhe ditën e hënë. Ndërsa nga dita e martë gradualisht pritet stabilizim i motit, me më shumë diell dhe rritje të temperaturave.
