Trajneri i njohur Ismet Munishi e ka komentuar faktin që Federata e Futbollit të Kosovës i ka kërkuar FIFA-s të hetohet kombëtarja serbe.
I ftuar në emisionin “Dueli Botëror” në RTV Dukagjini ai tha se “reagimi i FFK-së është i qëlluar. Ne dijmë me i pritë më së miri të gjitha ndeshjet që janë zhvillu në Kosovë, jemi shembull për organizim të ndeshjeve kur luan kombëtarja e Kosovës”.
Munishi po ashtu shtoi “normalisht që kemi të drejtë kur të tjerët nuk i respektojnë këto rregulla, rregullat e fair-play-t janë thy qysh në zhveshtore, trajneri e ka pasë një trajner tejet të ulët, e kemi pa edhe reagimin e futbollistëve se çfarë provokime i kanë bo Granitit, por ai qëndroi stoik, ai qëndroi si luan”.
Kjo është nata e 16- të e emisionit “Dueli Botëror” i cili do të zgjasë deri në në finalen e madhe të Kupës së Botës.
Edhe në netët në vazhdim do të ketë të ftuar të ndryshëm nga bota e sportit dhe jo vetëm, të cilët në fokus kryesor do ta kenë diskutimin për Kampionatin Botëror.