Ministri i Financave, Hekuran Murati, ka kërkuar falje, për gjuhën që e ka përdorur para disa viteve ndaj veteranëve të Ushtrisë Çlirimtare të Kosovës.
Shkrimet e vjetra të tij, ai ka thënë se kanë qenë nga mllefi “me ata që asokohe me fryrjen e listave për përfitime financiare e politike po shtrembëronin historinë e luftës dhe të vërtetën tonë kolektive”.
Murati po ashtu, ka shkruar se i përkulet sakrificës së dëshmorëve dhe kontributit të ushtarëve të UÇK-së.
Ministri i Financave, Hekuran Murati, në vitet 2016 dhe 2018, i kishte ofenduar veteranët e UÇK-së, duke bërë shaka në llogari të tyre.
Për këtë arsye, Partia Socialdemokrate (PSD), me gjashtë korrik, kanë organizuar një protestë për shkarkimin e ministrit Murati.