Ministri i Financave, Hekuran Murati, ka theksuar se deputetët e opozitës “janë të vetmit që po e shkelin Kushtetutën pasi nuk po marrin pjesë në seancën e zgjidhjes së presidentit”.
Murati ka shkruar në Facebook, se opozita ka refuzuar disa oferta të bëra nga Lëvizja Vetëvendosje për arritjen e një marrëveshjeje.
Sipas tij, opozitës i është ofruar mundësia që të marrë postin e kryetarit të Kuvendit, por kjo ofertë nuk është pranuar. Ai shtoi se u është kërkuar gjithashtu që të propozojnë tre kandidatë konsensualë për president, por, sipas tij, nuk është paraqitur asnjë emër.
Ai ka ngritur pyetjen se pse opozita, sipas tij, po synon që vendi të shkojë sërish në zgjedhje.
“Propozuam znj. Feride Rushiti, një profesioniste e shquar dhe e vlerësuar ndërkombëtarisht, e cila do t’i bënte nder vendit si Presidente, dhe opozita përsëri nuk merr pjesë. Pse me çdo kusht opozita po dëshiron ta dërgojë përsëri vendin në zgjedhje?”, ka shkruar ai.