Mushkolaj: Policët në veri janë të ndikuar nga strukturat serbe

Pas një provokimi të Nënkryetarit të Listës Serbe, Milan Radojçiq që kishte "sfiduar" shtetin e Kosovës, Mushkolaj shprehet i bindur në lidhje me "miqtë" e tij prezentë në Kosovë. Mirëpo, sipas tij dhe Istrefit, mesazhi i tij ishte më shumë për serbët lokalë sesa për institucionet e Kosovës

Imer Mushkolaj
Imer Mushkolaj

Imer Mushkolaj ka thënë se pretendimet që nënkryetari i Listës Serbe në Kosovë, Milan Radojçiq udhëheq veriun nuk janë diçka e re, por një udhëheqje e tillë, sipas tij, është e ndihmuar nga policët në veri të vendit, të cilët janë të ndikuar nga strukturat serbe.

I ftuar në Debat Plus, analisti Mushkolaj ka thënë se nuk mund të pritet që Policia në veri të vendit të veprojë kundër strukturave, të cilat u japin presion, e dikur privilegje.

“Ne e dimë kush janë shumica e policisë në Kosovë, me marëveshjet e Brukselit veç e kanë ndërruar uniformën prej mbrojtjes territoriale , strukturave civile, rojave të urës ata veç e kanë ndërruar uniformën. Nuk mund të presim nga njerëzit që kanë pasur privilegje ose presion prej këtyre strukturave për të vepruar kundër strukturave të njëjta”, ka thënë ai, gjersa ka shtuar se ata “janë policë të Kosovës formalisht, mirëpo janë nën ndikimin e strukturave atje”.

Ndër të tjera, Mushkolaj ka përmendur aksionin e sekuestrimit të kamerave të sigurisë të vendosura nga strukturat ilegale serbe në komunën e Shtërpcës, përgjatë të cilit, reagimi i serbëve civilë ishte indiferent.

“Thjesht thojshin policia e kryn punën e vet dhe kjo është në rregull”, ka thënë Mushkolaj, duke shtuar se strukturat civile serbe nuk janë të ndikuara si më parë.

Për videon e Radojçiq në veri të vendit, Mushkolaj e ka konisderuar edhe një mesazh më shumë për serbët lokalë sesa për institucionet e Kosovës, e të njëjtin mendim ndan edhe Dibran Istrefi.

Dibran Istrefi nga RTV Dukagjini thotë se një video e tillë është bërë edhe për të mobilizuar grupet e tjera të krimit të organizuar, prezente në veri të Kosovës.

Veprimtaria e grupeve të tjera të krimit  të organizuar, sipas Istrefit, ka bërë që Radojçiq të ketë “një humbje territorial, një humbje të habitatit”.

Ndër të tjera,  ai nuk ka mohuar as ndërlidhjen e tij me grupin “Mjekrrat”

“Radojçiqi është shefi i një grupi kriminal të rrezikshëm në veri të Kosovës të njohur si ‘Mjekrrat’, persona që kanë të kaluar të vrazhdët kriminale në Serbi, janë arratisur nga ato zona dhe strehuar në veri”, ka thënë Istrefi, duke shtuar se ky grup ndihmon në vazhdimin e bizneseve të Radojçiq.

Para pak ditësh, Nënkryetari i Listës Serbe, Milan Radojçiq, kishte “sfiduar” shtetin e Kosovës, duke e postuar një video nga pjesa veriore e Republikës së Kosovës.

Shija e redaktorit

Vetëm në muajin shkurt mërgata ka dërguar 87.9 milionë euro

Banka Qendrore e Republikës së Kosovës, sipas kalendarit të publikimeve, ka prezantuar statistikat për institucionet e tjera financiare për muajin shkurt 2024, të remitancave...

Ndahen 8 milionë euro për 11 komuna

Ministri i Administrimit dhe Pushtetit Lokal(MAPL), Elbert Krasniqi, ka njoftuar se janë ndarë 8 milionë euro në 11 Komuna. Ministri Krasniqi, bashkë me kryetarët e...

Kosova një hap më afër anëtarësimit në Këshill të Evropës

Komiteti për Politikë dhe Demokraci i Këshillit të Evropës ka miratuar raportin e raportueses për Kosovën, Dora Bakoyannis, ku rekomandohet që shteti ka përmbushur...

Të fundit nga rubrika