Ministria e Infrastrukturës dhe Transportit ka bërë të ditur se të mërkurën, më 4 mars 2026, në kuadër të punimeve për zgjerimin e “Rrugës Nacionale N9, segmenti Kijevë – Dollc (LOT-4)”, do të kryhet sanimi i një grope pranë Urës nr. 7. Punimet do të zhvillohen në kilometrat 10+893.15 deri në 10+947.32, në zonën e njohur si Kalaja e Dollcit.
Sipas njoftimit zyrtar, për shkak të realizimit të këtyre punimeve do të ketë ndërprerje të përkohshme të qarkullimit të trafikut në aksin nga udhëkryqi Gjakovë – Klinë deri te udhëkryqi i rrugës për Gjurgjevik.
Bllokimi i trafikut do të nisë nga ora 08:00 dhe do të zgjasë deri në përfundimin e punimeve për sanimin e gropës, por në asnjë rast jo më shumë se 48 orë.