Ministri i Komuniteteve dhe Kthimit të Kosovës, Nenad Rashiq, është viktima e parë e masave të ndërmarra nga Bashkimi Evropian kundër Kosovës.
Ministrit Rashiq i është ndaluar të marrë pjesë në një takim në Bruksel, si masë ndëshkuese nga BE.
“Unë isha viktima e parë e masave që u morën nga BE-ja. Më duhet të them, ne ishim paraparë të niseshim në Bruksel të dielën, ishte qershor. Kishim plan të takoheshim të hënën dhe duhej të niseshim të dielën. Gjitha takimet u anuluan të premten pasdite. Zhgënjimi im ishte i madh, u desh t’i mbulonim të gjitha kostot si të biletave, hotelit në Bruksel e nuk shkuam fare atje”, tha Rashiq, në një video.
Absurdity
EU sanctions against Kosovo.
First victim: 🇽🇰 Serb minister Nenad Rasic, who had meetings in Brussels on 19 June to discuss support for Serb minority with EU officials.
Meetings were then cancelled by EU!?@ExtSpoxEU @MiRo_SPD @ToniHofreiter @aliciakearns pic.twitter.com/wtpGF8gdLA
— Gerald Knaus (@rumeliobserver) August 14, 2023
Ndryshe, zëvendëskryeministri i Kosovës, Besnik Bislimi, kishte deklaruar se Kosova nuk duhet të shpallë zgjedhje në veri të vendit pa u hequr masat ndëshkuese të vendosura nga BE
Për shkak të mospërmbushjes së kërkesave të paraqitura nga blloku evropian në lidhje me situatën e tensionuar në veri të Kosovës, Brukseli në fund të qershorit nisi të zbatonte disa masa ndëshkuese ndaj Kosovës.
Masat që po zbaton BE-ja ndaj Kosovës përfshijnë: pezullimin e përkohshëm të punës së trupave të krijuara në bazë të Marrëveshjes së Stabilizim Asociimit (MSA), mosftesën e Kosovës në takime të nivelit të lartë dhe pezullimin e vizitave dypalëshe, përveç atyre që përqendrohen në adresimin e krizës në veri të Kosovës në kuadër të kornizës së dialogut të lehtësuar nga BE-ja.
Masat e tjera përfshijnë edhe ndaljen e programimit të fondeve për Kosovën nga IPA 2024 (Instrumentet e Para-Anëtarësimit), si dhe propozimet e Kosovës në kuadër të Kornizës së Investimeve në Ballkanin Perëndimor nuk janë dorëzuar për shqyrtim nga bordi më 29 dhe 30 qershor.