Ministrja e Arsimit, Arbërie Nagavci ka njoftuar se të hënën e pesë dhjetorit ka nënshkruar Udhëzimin administrativ Nr. 08/22 për Dokumentacionin shkollor në arsimin parauniversitar.
“Me këtë UA po krijojmë bazën ligjore për digjitalizimin e dokumentacionit pedagogjik”, ka njoftuar ministrja Nagavci.
Nagavci ka shtuar se Udhëzimi administrativ Nr. 08/22 për Dokumentacionin shkollor në arsimin parauniversitar redukton ngarkesën administrative për kujdestarët e klasave, sekretarët e drejtorët e shkollave.
“Kjo do t’i kontribuojë shtyllës së pestë të Strategjisë për arsim në të cilën parashihen investime mbi 51 milionë për 5 vitet e ardhshme”, ka theksuar Nagavci.
Tutje ajo ka njoftuar se ky Udhëzim përcakton dokumentacionin shkollor për arsimin parauniversitar, përmbajtjen dhe formën e tyre, botimin, plotësimin, ruajtjen, gjuhët dhe përgjegjësitë e përdorimit.