Netanyahu shkarkon nga kabineti një aleat të rëndësishëm

Ish-kryeministri i Izraelit, Benjamin Netanyahu

Kryeministri izraelit Benjamin Netanyahu shkarkoi të dielën një aleat të rëndësishëm të kabinetit qeveritar, duke zbatuar kështu një vendim të Gjykatës së Lartë dhe thelluar me tej debatin lidhur me fuqinë e gjykatave.

Netanyahu njoftoi gjatë një takimi të kabinetit se po shkarkonte Ministrin e Brendshëm dhe të Shëndetësisë, Aryeh Deri.

Gjykata e Lartë e Izraelit vendosi javën e kaluar që Deri nuk mund të shërbente si ministër për shkak të një dënimi vitin e kaluar në lidhje me taksat.

Vendimi i gjykatës vjen ndërsa në vend ekzistojnë mosmarrëveshje lidhur me pushtetin e gjyqësorit.

Qeveria e ekstremit të djathtë dëshiron që të dobësojë Gjykatën e Lartë, të kufizojë mbikëqyrjen gjyqësore dhe t’u japë më shumë pushtet politikanëve.

Kritikët thonë se masa përmbys sistemin e kontrollit dhe balancës në vend dhe rrezikon bazat demokratike të Izraelit, shkruan VOA.

Sipas zyrës së tij, kryeministri Netanyahu i tha Derit se po e largonte atë nga posti me “zemër të rënduar dhe pikëllim të madh”.

“Ky vendim fatkeq nuk merr parasysh vullnetin e popullit. Unë synoj të ndjek të gjitha rrugët ligjore që ju të vazhdoni të kontribuoni për shtetin e Izraelit”, i tha Netanyahu Derit.

Aryeh Deri tha se do të vazhdojë të udhëheqë partinë e tij dhe të ndihmojë qeverinë në çuarjen përpara të planeve të saj, përfshirë reformat ligjore.

Shkarkimi i Derit pritet gjithashtu të tronditë koalicionin në pushtet, një qeveri e mbështetur nga partitë ultra-nacionaliste dhe ultra-ortodokse, duke përfshirë partinë Shas të zotit Deri, e treta më e madhja në qeveri.

Ndërkohë që disa ligjvënës nga partia Shas kërcënuan se do të prishin koalicionin pas vendimit të gjykatës, qeveria pritet t’i mbijetojë mungesës së Deri.

Koalicioni ka gjasa që të përpiqet të hartojë një legjislacion që do t’i hapte rrugën kthimin të shpejtë të Derit.

Pritet që Netanyahu të emërojë një anëtar tjetër të Shas-it për të zëvendësuar Derin, të paktën përkohësisht.

Shija e redaktorit

Albina Kelmendi dhe familja do të performojnë në natën e...

Shqipëria e cila këtë vit prezantohet nga Albina Kelmendi me familje me këngën “Duje”, do të performojnë në natën e dytë gjysmëfinale, më 11...

Komuna e Prishtinës publikon çmimet e reja për trafikun urban

Komuna e Prishtinës në kuadër të Marrëveshjes së Kredisë mes Trafiku Urban Prishtinë dhe Bankës Evropiane për Rindërtim dhe Zhvillim (BERZh), me qëllim të...

Libraria “Dukagjini” fiton çmimin FIDES 2022 për kontributin korporativ

Libraria "Dukagjini" ka marrë të mërkurën e 18 janarit çmimin FIDES 2022 për kontribut korporativ. Ky çmim librarisë "Dukagjini", ju dha për kontributin e vazhdushëm...

Më të lexuarat

Në Kuvendin e Serbisë kërkohet mbyllja e kufijve për kosovarët që...

Slavisha Ristiq, anëtari i Komisionit Parlamentar për Kosovën në Kuvendin e Serbisë, ka kërkuar që të mos u lejohet hyrja në Serbi, kosovarëve që...

WhatsApp lëshon përditësimin e ri  për t’i lejuar njerëzit të...

WhatsApp ka lansuar një përditësim të madh të ri për t'i lejuar njerëzit të bisedojnë edhe në mes të mbylljeve të internetit. WhatsApp ka lansuar...

IKD: Shteti ka dështuar në rastin “Kobra”

Instituti i Kosovës për Drejtësi ka thënë se rasti “Kobra” paraqet një shembull të dështimit të sistemit të drejtësisë, i cili, sipas tyre, ka...

Të fundit nga rubrika