Ngjarja në QKUK: E informuan se ka djalë, më pas se i ka vdekur vajza

Në Klinikën e Gjinekologjisë në QKUK mbrëmjen e së mërkurës ka ndodhur një ngjarje e rëndë. Një familje fillimisht është informuar se familjarja e tyre ka lindur me sukses një djalë, kurse pas rreth gjysmë ore, familja është njoftuar se u ka vdekur vajza. Babai i foshnjës ka folur për RTV Dukagjinin, ku ka rrëfyer se si ka ndodhur e gjithë ngjarja

Foto ilustrim





Fatlum Alimi mbrëmjen e së mërkurës përjetoi një ngjarje të rëndë në Klinikën e Gjinekologjisë në QKUK.

Foshnja të cilën ishte duke e pritur, nuk ka mbijetuar dhe ka vdekur gjatë procesit të lindjes që gruaja e tij e kishte me prerje cezariane.

Këtë ngjarje, Alimi rrëfen se e ka bërë më të rëndë fakti se personeli i Gjinekologjisë fillimisht e njoftoi familjen se tyre se u ka lindur me sukses një djalë.

“Djalë njëher ma kanë qitë përpara, njëher djalë tha, djali yt. I kam edhe kolegët këtu, më tha djalë e ki, e kqyra beben mirë ke. Pas gjysmë ore erdh doktoresha tha ka ndërru jetë. E qaty ma hupi kontrollën, qaty e kam humbë krejt kontrollën”, ka thënë Alimi.

Alimi thotë se përgjatë disa kontrolleve që gruaja e tij i kishte bërë më parë, ai e kishte ditur që është duke pritur vajzë.

Fatlum Alimi, babai

Megjithatë, ai thotë se mjekët në gjinekologji pak ditë para lindjes së gruas, i kanë thënë se sipas kontrolleve të tyre është duke pritur djalë dhe jo vajzë.

Kjo ia shtoi atij bindjen, se gruaja e tij vërtetë e kishte kaluar me sukses lindjen.

“Kur e kam pasur në kontrolla në Fushë Kosovë, e kam pas në kontrolla në dy vende më kanë thënë se e kam vajzë, kur e kam sjellë këtu për me u shtri në spital më kanë thënë se e ki djal. Hala pa lindë, këta e kanë bërë njëfar kontrolle, pastaj i kanë treguar se djalë ke, edhe ju ka thënë nusja që vajzë e kam, jo i kanë thënë djalë e ki”, ka shtuar ai.

Alimi me familjarë kanë kryer gjatë ditës procedurat e varrimit të foshnjës.

Drejtori i Gjinekologjisë, Zef Ndrejaj nuk ka dashur të flas para kamerës.

“Drejtori i gjinekologjisë, Zef Ndrejaj, i ka thënë televizionit përmes telefonit se në këtë rast nuk ka pasur ndërrim të foshnjës, por dhënie të gabuar të informacionit”, ka theksuar Ndrejaj.

Ndrejaj ka shtuar se në këtë rast gruaja ka pasur disa komplikime prej kur është pranuar në Gjinekologji.

Rasti, ai ka konfirmuar se ka ndodhur në sallën e lindjes.

Për këtë, tashmë është aktivizuar edhe Prokuroria.

“Me urdhër të Prokurorit të Shtetit është iniciuar rast “Trajtim i pandërgjegjshëm mjekësor”, ndërsa trupi i pa jetë i foshnjës është dërguar në IML, për obduskion. Prokuroria në koordinim me institucionet relevante është duke i ndërmarrë të gjitha veprimet e nevojshme hetimore për t’i ndriçuar të gjitha rrethanat e këtij rasti”.

Fatlum Alimi është ankuar gjithashtu edhe për një trajtim jo të mirë të gruas së tij, nga stafi në Gjinekologji.

Për këto akuza, drejtori i kësaj klinike ka thënë se do të flas më vonë.





Shija e redaktorit

Vetëm në muajin shkurt mërgata ka dërguar 87.9 milionë euro

Banka Qendrore e Republikës së Kosovës, sipas kalendarit të publikimeve, ka prezantuar statistikat për institucionet e tjera financiare për muajin shkurt 2024, të remitancave...

Ndahen 8 milionë euro për 11 komuna

Ministri i Administrimit dhe Pushtetit Lokal(MAPL), Elbert Krasniqi, ka njoftuar se janë ndarë 8 milionë euro në 11 Komuna. Ministri Krasniqi, bashkë me kryetarët e...

Kosova një hap më afër anëtarësimit në Këshill të Evropës

Komiteti për Politikë dhe Demokraci i Këshillit të Evropës ka miratuar raportin e raportueses për Kosovën, Dora Bakoyannis, ku rekomandohet që shteti ka përmbushur...

Të fundit nga rubrika