Ngjyra që është trendi i bukurisë për këtë vit është e gjelbërta, të cilën po e shohim kudo te vajzat e te gratë – në veshje, thonj, madje edhe te grimi.
Grimierja Katie Jane Hughes thotë se rritja e popullaritetit të ngjyrës se gjelbërt vjen pikërisht prej markave të modës si Bottega Veneta, të cilat shfaqën fustane por edhe çanta me ngjyra të forta, siç është e gjelbërta por edhe ngjyra rozë.
“Markat e ndryshme botërore e kanë bërë këtë ngjyrë jashtëzakonisht trendi në modë. E gjelbra është kudo. Këtë sezon grimi me ngjyrë të gjelbërt është shumë i kërkuar dhe shumë trend”, tha grimerja Katie Jane Hughes.
Ajo gjithashtu kujtoi tendencat e bukurisë nga vitet ’80 dhe ’90, kur ngjyrat e ndezura ishin shumë të zakonshme dhe tashmë janë rikthyer në modë.
Hughes është e mendimit se e gjelbërta është një ngjyrë neutrale, kështu që ajo beson se është mjaft e lehtë për t’u përfshirë në çdo rutinë bukurie.